តើអ្នកជឿឬទេ ថាអាហារមានឥទ្ឋិពល ដល់អារម្មណ៍របស់យើង?

អាហារដែលយើងទទួលទាន សព្វថ្ងៃនេះក្រៅពីជួយបង្កើនភាព ធំលូតលាស់ដល់រាងកាយ  ហើយនោះក៏នៅមាន ផលដល់ ឧបនិស្សយ័ចិត្តថ្លើម របស់ មនុស្សបាន ទៀតផង។ បើយោង តាមការសិក្សាស្រាវជ្រាវរបស់  ក្រុមគ្រួពេទ្យគេបានរកឃើញ ថាអាហារមានឥទ្ឋិពលដល់  អារម្មណ៍របស់មនុស្ស យើង ដូចជាប្រសិនបើទទួលទាន អាហារមានរស់ជាតិផ្អែមវានឹង ជួយឱ្យយើងមានអារម្មណ៍រវាស រវៃស្រស់ស្រាយខ្លាំងឡើង។

ប្រសិន​បើ​កាន់​សីល​ហូប​អាហារ​បួស​សូម​កុំ​ភ្លេច​គុណ​ប្រយោជន៍​នៃ​អាហារ

 ជាការពិតថាការទទួលទានអាហារបួសនោះគឺជាការបំពេញសីលធ្វើ បុណ្យមិនបៀតបៀន ដល់សត្វដែលមានជីវិតក្នុងលោកក៏ប៉ុន្តែក៏មានចំណុច គួរតែប្រយ័ត្នប្រយែងខ្លះៗផងដែរនោះគឺ

អ្នកជំនាញខាងចំណីអាហារបានប្រាប់ថា ត្រូវប្រយ័ត្ន អាហារបួសដែលសង្កត់ធ្ងន់ ទៅលើវិធីឆា ចៀន ព្រោះមានជាតិខ្លាញ់ខ្ពស់រួម ទាំងអាហារដែល ធ្វើពីម្សៅ គួរជ្រើសរើស ទទួលទានប្រូតេអ៊ីនពី ​សណ្តែក​លឿង គ្រាប់​សណ្តែក​ស្ងួត ជំនួស​សាច់​សត្វ។

៩ វិធី ដាស់ថាមពលជីវិត ស្នារតី និង រាងកាយ

មនុស្សយើងគ្រប់រូប អ្នកណាក៏ចង់បានសុខភាពល្អមានកម្លាំង ថាមពលខ្លាំងនិងស្រស់ ស្រាយស្វាហាប់ដែរ។ លេខនេះប្រជាប្រិយ មានគន្លឹះល្អៗ៩ចំណុចងាយៗដែលអាចផ្លាស់ប្តូរជីវិត ស្មារតី និងសារពាង្គកាយរបស់យើង ឲ្យស្រស់ស្រាយបានយ៉ាងប្រសើរដូចខាងក្រោម ៖

ត្រូវយល់ដឹងបញ្ហាក្រលៀនហើយ ថែរក្សាវាដោយផ្ចិតផ្ចង់

ការលេងកីឡា គឺជាផលល្អសំរាប់បេះដូងការ មិនជក់បារី គឺល្អប្រពៃសំរាប់សួត របស់យើងហើយ
យើងកុំបំភ្លេចក្រលៀនរបស់យើងហាត់បីដូច គេនិយាយតិច ពីបញ្ហាក្រលៀនប៉ុន្តែវាសំខាន់ ណាស់ដែរតើត្រូវធ្វើដូចម្ដេច ដើម្បីថែទាំវា ? ក្រលៀនយើងមាន ទ្រង់ទ្រាយដូចគ្រាប់សណ្ដែកស្ថិតនៅក្រោយ ខ្នងនៃឆ្អឹងជំនីរក្បែរចង្កេះ ហេតុដូច្នេះអ្នកដែលឧស្សាហ៍ឈឺចង្កេះ ជួលកាលក៏អាចមានគ្រួសតម្រងនោម ជាប់នៅនឹងក្រលៀន នោះដែរ។ ដើម្បីពិនិត្យមើលក្រលៀនយើងមានបញ្ហា ឬគ្មាននោះ គេអាចយកទឹកនោម ជាមួយចម្រៀកឈើ (Bandette) ទៅធ្វើការវិភាគមួយ-វត្ដមាន Albumien ឬឈាម អាចបង្ហាញឱ្យដឹងភាពអន់ខ្សោយ នៃក្រលៀន

ទឹកក្រូចឆ្នារ ជួយបំបាត់អាការអណ្តាតកើតជ្រាំង

អណ្តាតឡើងជ្រាំង ជាសញ្ញាមួយដែលបញ្ជាក់ប្រាប់ថាពេលនេះ អ្នកកំពុងតែ មានបញ្ហា សុខភាពហើយ។ អណ្តាតឡើងជ្រាំងនឹងមានកំណកសៗ ជាប់នៅលើអណ្តាតដែល
បណ្តាលមកពីរាងកាយមានការប្រមូលផ្តុំ ជាតិពុល (Toxin) ក្នុងខ្លួនច្រើន។ ការសម្អាតមាត់

វិធីការពារនិងព្យាបាលវិលមុខ

វិលមុខគឺជាអារម្មណ៍នៃការចលនា វិល រឺ វិលជុំវិញខ្លួននៃវត្ថុ រឺ រូបភាពជុំវិញអ្នក ត្រូវកើតជំងឺវិលមុខ ក្នុង ខណះនៅកន្លែង រឺកំរើកដែលជាធម្មតាពុំមាន។ វិលមុខគឺជា អាការះនៃ ការច្របូក ច្របល់ផ្នែក ចលនាវិល ចុះឡើង នៃឈាមបន្ទាប់ពីឈាម រត់ខ្លាំង នៅក្នុងខួរក្បាលដោយសារការខ្វះឈាម ក្នុងខួរ ក្បាល។ ក្នុងជំងឺឈឺសរសៃឈាមវិលមុខ ពេលណា ក៏ជាប់ទាក់ទងទៅនិង ខួរក្បាលរឺ បន្ទាប់ពីជំងឺខ្វះ Myelin រលាកខួរក្បាលសរសៃ ឈាមក្រហមហើម រឺដោយសារឧសថបំបាត់ ការឈឺចុកចាប់ណាមួយ បង្កើតឡើង។

តម្លៃ និងមុខងារនៃសិល្បៈខ្មែរបុរាណ

ដើម្បីជា ជំនួយនៅក្នុងការសិក្សាទៅប្រវត្ដិសាស្ដ្រ និងស្វែងយល់ អំពីមុខងារនៃសំណង់ប្រាសា នានា នៅប្រទេសកម្ពុជា និងស្វែងយល់អំពីតម្លៃ នៃស្ថាបត្យកម្មខ្មែរបុរាណដូចតទៅ នៅពេលដែល និយាយ អំពីពាក្យថា សិល្បៈយើងគួរតែស្វែងយល់ថាតើពាក្យនេះមានប្រភពនិងដើមកំណើត និង ប្រភពមក ពីណា ? ពាក្យថា “ សិល្បៈ ” តាមភាសំស្ដ្រឹត ឬសិល្បៈ តាមភាសាបាលី សំដៅយក ការងារ ផ្សេងៗ តំណាងហត្ថកម្ម គ្រប់បែបយ៉ាង ដែលមានសិល្ប៍ ពោលគឺធ្វើឱ្យមនុស្សចាប់ចិត្ដ ចាប់អារម្មណ៍ ចង់មើល ចង់ឃើញ ចង់ស្ដាប់ ។ សិល្បៈមានច្រើនប្រភេទណាស់ ដូចជា សិល្បៈរបាំ ចម្រៀង ភ្លេង ល្ខោន កុន ចម្លាក់គំនូរសំណង់សូន្យរូប ។ល។

វិធីសាស្ត្រ៥យ៉ាងក្នុងការថែទាំជើងនារដូវភ្លៀងធ្លាក់

ក្នុងរដូវភ្លៀងម្ដងៗ យើងពុំអាចជៀសផុត ពីសំណើម ឬដើរកាត់តំណក់ទឹកភ្លៀង ឬដើរលុយទឹកបានឡើយ ដែលនេះជាកត្ដាចម្បងធ្វើឱ្យយើងឆ្លងរោគបានយ៉ាងងាយ ជាពិសេសចំពោះជើងតែម្ដង ព្រោះវានៅជិតទឹកជាងអវយវៈផ្សេងៗ ទាំងអស់ បណ្ដាលឱ្យកើតជំងឺរាក់ស៊ីជើង ឬទឹកស៊ីជើងនោះឯង។

ដូចនេះដើម្បីជៀសវាងនូវបញ្ហាទាំងនេះអ្នកគប្បីអនុវត្ដដូចខាងក្រោម ៖

១. មិនគួរដើរដោយជើងទទេ ព្រោះវាអាចបណ្ដាលឱ្យឆ្លងជំងឺផ្សេងៗបាន ម្យ៉ាងទៀតវាអាចធ្វើឱ្យមុតជើង ឬឈឺ បាតជើងបាន។

២. ពេលដើរលុយទឹក គួរលើកជើងឱ្យផុតពីផ្ទៃទឹក ទើបជាការល្អ។

៣. នៅពេលដើរផុតតំបន់លិចទឹកភ្លាមគួរប្រញាប់ទៅរកទឹកស្អាតលាងជើង ជាបន្ទាន់ដោយដុសសំអាតជាមួយសាប៊ូ ជាពិសេសត្រង់កែងជើង។

៤. បើមានអាការៈរមាស់ត្រង់ស្បែក គួររកថ្នាំលាបបំបាត់ រមាស់ ឬក្រែមជាដើម។

៥. ចំណែកឯស្បែកជើង ពូករថយន្ត កម្រាលជូតជើងណាសើម គួរយកវាទៅហាលថ្ងៃឱ្យស្ងួតល្អ។ គ្រាន់តែអនុវត្ដនូវចំណុចងាយៗខាងលើនេះ នោះអ្នកនឹងមិនខ្វល់ពីការឆ្លងជំងឺឡើយ។ ទស្សនាវដ្តីធម្មជាតិ ឆ្នាំទី០៥ លេខ ២១

ដំណាក់កាលវិវត្តន៍វ័យរបស់មនុស្ស

តាមសៀវភៅវប្បធម៌ទូទៅភាគ២របស់លោក ឡុង សារិន បានបង្ហាញថា ក្នុងមួយជីវិតរស់នៅរបស់មនុស្ស ត្រូវបានបែងចែកជា១០វ័យគឺ៖

* ទីមួយ ចាប់ពីពេលកើតរហូតដល់ អាយុ១០ឆ្នាំ ហៅថា មន្តទសកៈ ដែលប្រែមកថាជាវ័យកំពុងសុខស្រួល។

* ទីពីរ ចាប់ពីអាយុ១១ឆ្នាំ រហូតដល់អាយុ២០ឆ្នាំ គឺ ខិឌ្ឌទសកៈ ដែលប្រែមកថា ជាវ័យល្បែង ពោលគឺវ័យ ដែលកំពុងភ្លើតភ្លើន ពុំសូវចេះគិតពិចារណាបានដិតដល់ ច្រើនប្រព្រឹត្តនូវទោសកំហុស។

* ទីបី គឺវណ្ណទសកៈ ចាប់ពីអាយុ២១ឆ្នាំ ដល់អាយុ៣០ឆ្នាំ ដែលប្រែមកថាជាវ័យល្អ។

* ទីបួន ចាប់ពីអាយុ៣១ឆ្នាំដល់អាយុ៤០ឆ្នាំ គឺវ័យ ពលទសកៈ ដែលប្រែមកថាជាវ័យ ខ្លាំងក្លា។ វ័យនេះហើយដែលមនុស្សមានកាយសម្បទាមាំមួនទាំងចិត្តគំនិត
និងប្រាជ្ញាស្មារតី។

* ទីប្រាំ ចាប់ពីអាយុ៤១ឆ្នាំរហូតដល់អាយុ៥០ឆ្នាំគឺបញ្ញាទសកៈ ដែលមានន័យថាជាវ័យពិចារណា។ មនុស្ស ឋិតក្នុងវ័យនេះអាចពិចារណារកហេតុផលច្បាស់លាស់ជាងវ័យណាទាំងអស់ ដោយផ្អែកលើបទពិសោធន៍ និងការច្នៃប្រឌិតបន្ថែម។

* ទីប្រាំមួយ គឺចាប់ពីអាយុ៥១ឆ្នាំដល់៦០ឆ្នាំ ជាវ័យហានិទសកៈ ប្រែមកថាវ័យទន់។ មនុស្សចាប់ផ្ដើមទ្រុឌទ្រោមបន្តិចម្ដងៗទាំងកាយសម្បទា និងចិត្តគំនិតអារម្មណ៍។

* ទីប្រាំពីរ ចាប់ពីអាយុ៦១ឆ្នាំដល់៧០ឆ្នាំ គឺ បពា្ភរទសកៈ ដែលមានន័យថាជាវ័យជរា។ ដល់វ័យនេះភាពទ្រុឌ ទ្រោមកាន់តែញ៉ាំញីដល់មនុស្សគ្មានល្ហែ ឈឺក៏ច្រើន ធ្វើការងារពុំសូវបានពេញលេញ។

* ទីប្រាំបី ចាប់ពីអាយុ៧១ឆ្នាំដល់៨០ឆ្នាំ ជាវ័យកោង ឬហៅថាវ័យ វង្កាទសកៈ។
* ទីប្រាំបួន ចាប់ពីអាយុ៨១ឆ្នាំដល់៩០ឆ្នាំ មនុស្សចាប់ផ្ដើមភ្លេចភ្លាំងច្រើន ជាវ័យភ្លេច ឬវ័យមោមូហទសកៈ។

* ទីដប់ ចាប់ពីអាយុ៩១ឆ្នាំរហូតដល់១០០ឆ្នាំ គឺវ័យដេក ឬសយនទសកៈ។